﹏☆♀βαβγの寒舍♂★﹏

星期六長周...

朝早一起身就黑雨...

但又好似無咩雨喎~~

返唔返工好呢?!

明明返到唔返又唔係幾好既...

唸住問阿頭...就包穩陣...

阿頭話...佢出左門口...無咩雨...

叫我係公司見啦~~

於是...如常返工...

一路上都唔覺得有咩異樣...

直到出地鐵站...先發現所有閘口都水浸...

從橋上視察...大件事...水深及膝...

有架的士仲死左火添...

落唔到地...唯有打電話俾阿頭...

「你又話無事既?!水浸喎~~」

「係咩?!我都避梗雨...你繼續嘗試返工啦~~間水囉~~」

「咪玩啦~~D水超污糟喎~~」

「如果真係唔得, 就返屋企...」

心唸：「頂丫...老點左我出來...唔係呀化...淋濕晒身...先叫我返屋企牙~~」

口說：「我睇下點啦~~」

收線...

眼見街上好多人都除晒鞋襪...赤腳間水而行...

真係佩服得五體投地...

幾經辛苦...搵到乾地...

嘩~~~~~~~~~嚇x死我...（果刻真係想爆粗）

幾十隻小強周圍走...仲成日走到我腳邊...

又唔可以企定...行又驚踩中佢地...

強哥, 唔好迫我啦~~嗚~~嗚~~~

一邊跳彈...一邊截車...（超樣衰）

呀呀呀呀呀呀呀呀呀呀呀呀呀呀呀呀呀呀呀呀

踩中左一隻...好嘔心...我對波鞋唔洗要喇~~

對峙左十分鐘...

終於俾我截到架的士...

架車向住水深方向行...

司機咦咦唷唷...驚死火...

我見到路邊的垃圾桶...

浸到開口位...

都咪話唔心寒...

塞死晒...

在水中央...

1.3km既路程...足足搭左35分鐘...

返到公司...真係火都黎...

全公司幾十人剩係得Admin. mgr返左工...

仲問我點解返工?!?!

你話呢?!?!?!!

明顯俾奸人所害啦~~

*&^%$#@!*&^%$!@#

鞋又濕...褲又濕...襪都濕埋...

admin.做係服侍周到...

買左拖鞋同襪俾我...

又借左暖爐和風筒俾我...

話咁快爽晒...

仲超體貼...買埋麥記早餐返來...

阿頭返到黎...笑騎騎話

叫左我返工...佢半路都想打回頭...

都唔敢唔返...驚我反枱...

你試下丫!!!!!!!!!!!!!

都怪Admin.反應慢...

應該第一時間send email俾all staff...

放假一天嘛~~

後記：百年一遇暴雨...全港多個地區水浸...山泥傾瀉...交通癱瘓...